Di bola tendang, lopbal[1] (hurup Arab Gundul: لوفبل; Inggris: cross) entu operan ranggehan sedeng ampé panjang deri jenggarnya tegalan nuju ke tenga-tenga pelan deketnya lawan punya gawang. Wabilkusus, lopbal punya maksud entu ngeboyong bola ke kotak lawan deri huk nyang ngasi apstan rada gancilan bakal pemaèn depan nyerang biar bisa ngejuju gawang paké pala atawa kakinya. Lopbal biasanya nglambung liwat atas bakal nglantasin bèk, cuman ada juga' nyang disontèk jau ke depan liwat bawa. Lopbal entu atu gerakan nyang sat-set ama tokcèr.